Javier Aizpurua
BASQUE QUANTUM-eko Zuzendaria
Javier Aizpurua Basque Quantum-eko (BasQ) zuzendaria da, Donostia International Physics Center-eko (DIPC) Ikerbasque ikerketa-irakaslea eta Euskal Herriko Unibertsitateko (EHU) ikertzaile ospetsua. Materialen Fisikako doktoretza-ikasketak amaitu ondoren, doktoratu ondoko ikerketa-egonaldiak egin zituen Suedian eta Estatu Batuetan. 2004an atzerritik itzultzean, ikerketa-talde bat osatu zuen Donostia International Physics Centerren eta Materialen Fisikako Donostiako Zentroan. Bertan, nanofotonikaren teorian garatu du bere ikerketa-jarduera, argiaren eta materiaren arteko elkarrekintzaren alderdi kuantikoetan zentratuz. Arlo horretan, bere ikerketa-taldeak nazioarteko erreferentzia bihurtzea lortu du.
Aizpuruak hainbat errekonozimendu jaso ditu azken urteotan bere ikerketa-lanagatik, besteak beste, APS Fellow izendapena edo 2022ko Euskadi ikerketa-saria. 2023tik BasQ estrategia zuzentzeko ardura du. Eusko Jaurlaritzak eta EAEko probintzietako diputazioek bultzatu dute estrategia hori, eta haren helburua da Euskadi nazioarteko erreferente bihurtzea teknologia kuantikoen esparruan, bai ikerketan, bai prestakuntzan eta berrikuntzan.
