Doktorea Nafarroako Unibertsitatean eta Fisikan lizentziatua Madrilgo Unibertsitate Konplutentsean, Materialetan espezialitatearekin. Bere ibilbide profesionala ikerketaren esparruan hasi zuen, eta horri esker, Europako zein Amerikako erreferentziazko hainbat zentro eta unibertsitatetan ikertzaile gisa lan egin ahal izan zuen.
Ia hogei urteko ibilbide profesionala du enpresa pribatuan, eta gaur egun I+G eta Berrikuntzako arduraduna da CESAn, Héroux-Devtek taldean. Bere lana sistema aeronautiko eraginkorragoak, seguruagoak eta iraunkorragoak garatzean datza, besteak beste, material aurreratuak, fabrikazio-teknologia berritzaileak (bereziki fabrikazio gehigarria), jardun-sistema erabat elektrikoak, potentziaren sorkuntza alternatiboa eta, oro har, aeronautika jasangarrira bideratutako edozein teknologia.
Artikulu zientifiko ugari idatzi ditu eta nazioarteko konferentzia zientifiko eta teknologikoetan aktiboki parte hartzen du. 2014az geroztik, Europako Batzordearekin lankidetzan aritzen da, esparru-programen barruko proiektuen ebaluazioan aditu gisa, aeronautikarekin eta materialekin lotutako arloetan.
